ಜೂನ್ 26, 1997ರಂದು, ಜೆ.ಕೆ. ರೌಲಿಂಗ್ರ `ಹ್ಯಾರಿ ಪಾಟರ್ ಅಂಡ್ ದಿ ಫಿಲಾಸಫರ್ಸ್ ಸ್ಟೋನ್’ ಯುಕೆಯಲ್ಲಿ ಬ್ಲೂಮ್ಸ್ಬರಿ ಪ್ರಕಾಶನದಿಂದ ಮೊದಲ ಬಾರಿಗೆ ಪ್ರಕಾಶಿತವಾಯಿತು, ಇದು ಚಿಕ್ಕ ಗಾಂಧಿಕ ಹ್ಯಾರಿ ಪಾಟರ್ನ ಕಥೆಯನ್ನು ವಿಶ್ವಕ್ಕೆ ಪರಿಚಯಿಸಿತು. ಆರಂಭದಲ್ಲಿ 12 ಪ್ರಕಾಶಕರಿಂದ ತಿರಸ್ಕೃತವಾದ ಈ ಕಾದಂಬರಿಯು ಜಾಗತಿಕ ಸಾಂಸ್ಕೃತಿಕ ವಿದ್ಯಮಾನವಾಗಿ ಮಾರ್ಪಟ್ಟಿತು, ಲಕ್ಷಾಂತರ ಪ್ರತಿಗಳನ್ನು ಮಾರಾಟ ಮಾಡಿ, ಬ್ಲಾಕ್ಬಸ್ಟರ್ ಚಲನಚಿತ್ರ ಸರಣಿಗೆ ಕಾರಣವಾಯಿತು.
ಒಂಟಿತಾಯಿಯಾಗಿ, ಆರ್ಥಿಕ ಸಂಕಷ್ಟದಲ್ಲಿದ್ದ ರೌಲಿಂಗ್, ಎಡಿನ್ಬರ್ಗ್ನ ಕೆಫೆಗಳಲ್ಲಿ ಕಾದಂಬರಿಯನ್ನು ಬರೆದರು. ಕೇವಲ 500 ಪ್ರತಿಗಳ ಮೊದಲ ಆವೃತ್ತಿಯೊಂದಿಗೆ ಆರಂಭವಾದ ಫಿಲಾಸಫರ್ಸ್ ಸ್ಟೋನ್ ಶೀಘ್ರವಾಗಿ ಓದುಗರ ಗಮನ ಸೆಳೆಯಿತು, ಮಕ್ಕಳಿಂದ ವಯಸ್ಕರವರೆಗೆ ಎಲ್ಲರನ್ನೂ ಆಕರ್ಷಿಸಿತು. ಹಾಗ್ವಾರ್ಟ್ಸ್ ಶಾಲೆ, ಜಾದೂಗಾರರ ಜಗತ್ತು, ಮತ್ತು ಹ್ಯಾರಿಯ ಸಾಹಸಗಳು ಓದುಗರಿಗೆ ಕಲ್ಪನೆಯ ಜಗತ್ತನ್ನು ತೆರೆದಿಟ್ಟವು. 1998ರಲ್ಲಿ ಅಮೆರಿಕದಲ್ಲಿ ಸಾರ್ಸರರ್ಸ್ ಸ್ಟೋನ್ ಎಂದು ಬಿಡುಗಡೆಯಾದ ಈ ಕಾದಂಬರಿಯು 120 ದಶಲಕ್ಷಕ್ಕೂ ಹೆಚ್ಚು ಪ್ರತಿಗಳನ್ನು ಮಾರಾಟ ಮಾಡಿತು, 80ಕ್ಕೂ ಹೆಚ್ಚು ಭಾಷೆಗಳಿಗೆ ಭಾಷಾಂತರಗೊಂಡಿತು. ಈ ಯಶಸ್ಸು ಏಳು ಪುಸ್ತಕಗಳ ಸರಣಿಯನ್ನು, ಚಲನಚಿತ್ರಗಳನ್ನು, ಥೀಮ್ ಪಾರ್ಕ್ಗಳನ್ನು, ಮತ್ತು ಜಾಗತಿಕ ಅಭಿಮಾನಿಗಳ ಸಮುದಾಯವನ್ನು ಸೃಷ್ಟಿಸಿತು ಅಲ್ಲದೇ ಸಾಹಿತ್ಯ ಮತ್ತು ಮನರಂಜನೆಯಲ್ಲಿ ಕ್ಷೇತ್ರದಲ್ಲಿ ತನ್ನದೇ ಛಾಪು ಮೂಡಿಸಿತು.
