ವಿಂಬಲ್ಡನ್ನ ಅಧಿಕೃತ ಸೋಷಿಯಲ್ ಮೀಡಿಯಾ ಖಾತೆಗಳಲ್ಲಿ ಭಾರತ ಪ್ರತಿನಿಧಿಸುವ ಕನ್ನಡದ ಆಟಗಾರ ರೋಹನ್ ಬೋಪಣ್ಣಗೆ ಕನ್ನಡದಲ್ಲಿ ಹಾರೈಸುವ ಮೂಲಕ ಗಮನಸೆಳೆದಿದೆ.
ಬುಧವಾರ ತನ್ನ ಫೇಸ್ಬುಕ್ ಖಾತೆಯಲ್ಲಿ ” ನಮ್ಮ ಅಣ್ಣ ಇಸ್ ರೆಡಿ ಟು ಶೈನ್’ ಎಂದು ಕಂಗ್ಲಿಷ್ನಲ್ಲಿ ಪೋಸ್ಟ್ ಮಾಡಿದೆ. ಈ ಪೋಸ್ಟ್ನ ಜೊತೆಗೆ, ‘ಗೋಲ್ಡನ್ ಸ್ಟಾರ್’ ಶೀರ್ಷಿಕೆ ಇರುವ ರೋಹನ್ ಬೋಪಣ್ಣ ಅವರ ಚಿತ್ರವನ್ನು ಹಂಚಿಕೊಂಡಿದೆ.
ಸಾವಿರಾರು ಮಂದಿ ಈ ಪೋಸ್ಟರ್ನಲ್ಲಿ ಲೈಕ್ ಮಾಡಿದ್ದು, ಹಂಚಿಕೊಂಡಿದ್ದಾರೆ.
45 ವರ್ಷದ ರೋಹನ್ ಬೋಪಣ್ಣ, 2006ರಿಂದ ವಿಂಬಲ್ಡನ್ನಲ್ಲಿ ಭಾಗವಹಿಸುತ್ತಿದ್ದಾರೆ. ಕಳೆದ ವರ್ಷ 2ನೇ ರನ್ನರ್ ಅಪ್ ಆಗುವ ಮೂಲಕ ಇತಿಹಾಸ ಬರೆದಿದ್ದರು.
ಆಸ್ಟ್ರೇಲಿಯನ್ ಕಪ್ ಗೆದ್ದಿರುವ ರೋಹನ್ ಬೋಪಣ್ಣ ಈ ಬಾರಿ ಇನ್ನೂ ಮೂವರು ಆಟಗಾರರೊಂದಿಗೆ ವಿಂಬಲ್ಡನ್ಗೆ ಬಂದಿಳಿದಿದ್ದಾರೆ. ಯೂಕಿ ಭಾಂಬ್ರಿ, ರಿತ್ವಿಕ್ ಬೊಲ್ಲಿಪಲ್ಲಿ ಮತ್ತು ಎನ್ ಶ್ರೀರಾಮ್ ಬಾಲಾಜಿ ಇತರ ಮೂವರು.
ಇತ್ತೀಚೆಗೆ ತಾನೆ ಬುಕರ್ ಅಂತಾರಾಷ್ಟ್ರೀಯ ವೇದಿಕೆಯಲ್ಲಿ ಕನ್ನಡದ ಅನುವಾದಕಿ ದೀಪಾ ಭಾಸ್ತಿ ಹಾಗೂ ಮೂಲ ಲೇಖಕಿ ಬಾನು ಮುಷ್ತಾಕ್ ಕನ್ನಡದ ಕಂಪನ್ನು ಹರಡಿದ್ದರು. ಈಗ ರೋಹನ್ ಬೋಪಣ್ಣ ಅವರ ಮೂಲಕ ವಿದೇಶಿದಲ್ಲಿ ಕನ್ನಡ ಕುಣಿದಾಡುತ್ತಿರುವುದು ಕನ್ನಡಿಗರಲ್ಲಿ ಸಂಭ್ರಮ ಮೂಡಿಸಿದೆ.
