ಅಂತರರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣದಲ್ಲಿ (ಐಎಸ್ಎಸ್) ಇರುವ ನಾಸಾ ಗಗನಯಾತ್ರಿ ನಿಕೋಲ್ ಆಯರ್ಸ್, ಜುಲೈ 3, 2025ರಂದು ಮೆಕ್ಸಿಕೊ ಮತ್ತು ಯುನೈಟೆಡ್ ಸ್ಟೇಟ್ಸ್ ಮೇಲೆ ಗಗನಯಾನದ ಸಂದರ್ಭದಲ್ಲಿ ಭೂಮಿಯ ಮೇಲಿನ ವಾತಾವರಣದಲ್ಲಿ ಕೆಂಪು ಬಣ್ಣದ ಜಿಗಿಮಿಗಿಯ ಬೆಳಕಿನ ಚಿತ್ರವನ್ನು ಸೆರೆಹಿಡಿದಿದ್ದಾರೆ. ಈ ಬೆಳಕುಗಳು ಟ್ರಾನ್ಸಿಯೆಂಟ್ ಲುಮಿನಸ್ ಈವೆಂಟ್ (ಟಿಎಲ್ಇ) ಎಂಬ ಅಪರೂಪದ ವಿದ್ಯಮಾನದ ಭಾಗವಾಗಿದ್ದು, ಇದರ ಒಂದು ರೂಪವಾದ ಸ್ಪ್ರೈಟ್ಗಳು ಗುಡುಗು ಮಿಂಚಿನಿಂದ ಉಂಟಾದ ತೀವ್ರ ವಿದ್ಯುತ್ ಚಟುವಟಿಕೆಯಿಂದ ಮೋಡಗಳ ಮೇಲೆ ಕಾಣಿಸಿಕೊಳ್ಳುತ್ತವೆ.
ನಿಕೋಲ್ ಆಯರ್ಸ್ ತಮ್ಮ ಏಕ್ಸ್ ಖಾತೆಯಲ್ಲಿ ಈ ಚಿತ್ರವನ್ನು ಹಂಚಿಕೊಂಡಿದ್ದು, “ಇಂದು ಬೆಳಿಗ್ಗೆ ಮೆಕ್ಸಿಕೊ ಮತ್ತು ಯು.ಎಸ್. ಮೇಲೆ ಹಾದುಹೋಗುವಾಗ ಈ ಸ್ಪ್ರೈಟ್ನನ್ನು ಸೆರೆಹಿಡಿದೆ. ಸ್ಪ್ರೈಟ್ಗಳು ಟಿಎಲ್ಇ ಗಳಾಗಿದ್ದು, ಮೋಡಗಳ ಮೇಲೆ ಕಾಣಿಸಿಕೊಂಡು ಗುಡುಗು ಮಿಂಚಿನ ವಿದ್ಯುತ್ ಚಟುವಟಿಕೆಯಿಂದ ಉಂಟಾಗುತ್ತವೆ,” ಎಂದು ಬರೆದಿದ್ದಾರೆ. ಈ ವಿದ್ಯಮಾನವು ಮೆಸೋಸ್ಫಿಯರ್ನಲ್ಲಿ (50-80 ಕಿಮೀ ಎತ್ತರ) ಸಂಭವಿಸುತ್ತದೆ ಮತ್ತು ಭೂಮಿಯಿಂದ ಗೋಚರಿಸಲು ಕಷ್ಟಕರವಾಗಿದೆ.
ನಾಸಾ, ಗಗನಯಾತ್ರಿ, ಕೆಂಪು ಸ್ಪ್ರೈಟ್, ವೈಜ್ಞಾನಿಕ ಸಂಶೋಧನೆ,ಮೆಕ್ಸಿಕೊ,
