“20 ವರ್ಷಗಳ ದುರಾಡಳಿತಕ್ಕೆ ಮುಕ್ತಿ ದೊರೆಯುತ್ತದೆ ಎಂದು ಹೇಳುತ್ತಾ, ಜನರಿಗೆ ನೀಡಿರುವ ಎಲ್ಲ ಭರವಸೆಗಳನ್ನು ಈಡೇರಿಸುವುದಾಗಿ” ಎಐಸಿಸಿ ಅಧ್ಯಕ್ಷ ಮಲ್ಲಿಕಾರ್ಜುನ್ ಖರ್ಗೆ ಹೇಳಿದ್ದಾರೆ.
ಬಿಹಾರ ವಿಧಾನಸಭಾ ಚುನಾವಣೆಯ ಎರಡನೇ ಹಂತದ ಮತದಾನಕ್ಕೆ ಇನ್ನೂ ಒಂದು ದಿನ ಬಾಕಿ ಇರುವಾಗ, ಮಲ್ಲಿಕಾರ್ಜುನ್ ಖರ್ಗೆ ಮಹಾಘಟಬಂಧನ್ ಸರ್ಕಾರ ರಚನೆಯಾಗುತ್ತದೆ ಎಂದು ಖಚಿತಪಡಿಸಿದ್ದಾರೆ. ಈ ಹೇಳಿಕೆಯು ರಾಜಕೀಯ ವಲಯದಲ್ಲಿ ತುಂಬಾ ಚರ್ಚೆಗೆ ಒಳಗಾಗಿದ್ದು, ಬಿಹಾರದ ಭವಿಷ್ಯದ ಬಗ್ಗೆ ಆಶಾಭಾವನೆಯನ್ನು ಹುಟ್ಟಿಸಿದೆ.
ನವೆಂಬರ್ 11ರಂದು ನಡೆಯುವ ಎರಡನೇ ಹಂತದ ಮತದಾನದಲ್ಲಿ 122 ಕ್ಷೇತ್ರಗಳು ಭಾಗವಹಿಸುತ್ತವೆ. ಮೊದಲ ಹಂತದಲ್ಲಿ 121 ಕ್ಷೇತ್ರಗಳಲ್ಲಿ ಉನ್ನತ ಮತದಾನದ ನಂತರ, ಈಗ ಉತ್ತರ ಬಿಹಾರದ ಚಾಂಪಾರಣ್, ಸೀತಮಾರ್ಹಿ, ಭಾಗಲ್ಪುರ್ನಂತಹ ಪ್ರದೇಶಗಳಲ್ಲಿ ಎನ್ಡಿಎಗೆ ಗೆಲ್ಲುವುದು ಸವಾಲಾಗಿದೆ. ಏಕೆಂದರೆ ಮೊದಲ ಹಂತದ ಮತಕ್ಷೇತ್ರಗಳಲ್ಲಿ ಎನ್ಡಿಎ ಕಳೆದ ಬಾರಿ ಉತ್ತಮ ಪ್ರದರ್ಶನ ನೀಡಿತ್ತು ಎರಡನೇ ಹಂತದ ಕ್ಷೆತ್ರಗಳಲ್ಲಿ ಮಹಾಘಟಬಂಧನ್ ಬಲಿಷ್ಠವಾಗಿದೆ.
ಖರ್ಗೆ ತಮ್ಮ ಎಕ್ಸ್ ಪೋಸ್ಟ್ನಲ್ಲಿ, “ಮಹಾಘಟಬಂಧನ್ ಸರ್ಕಾರ ಬಿಹಾರವನ್ನು 20 ವರ್ಷಗಳ ದುರ್ಬಲ ಆಡಳಿತದಿಂದ ಮುಕ್ತಗೊಳಿಸುತ್ತದೆ. ಇನ್ನು ಮುಂದೆ ವಲಸೆ ನಿಲ್ಲುತ್ತದೆ, ಯುವಕರ ಭವಿಷ್ಯದ ಮೇಲಿನ ಕತ್ತಲೆಯು ದೂರಾಗುತ್ತದೆ. ಪ್ರತಿ ಮನೆಯಲ್ಲಿ ಉದ್ಯೋಗದಿಂದ ಭವಿಷ್ಯ ಉಜ್ವಲವಾಗುತ್ತದೆ” ಎಂದು ಬರೆದಿದ್ದಾರೆ. ಈ ಮೂಲಕ, ಬಿಹಾರದ ಯುವಕರ ಸಮಸ್ಯೆಗಳಾದ ನಿರುದ್ಯೋಗ, ಬೆಲೆ ಏರಿಕೆ ಮತ್ತು ಕನಿಷ್ಠ ವೇತನ ಜಾರಿಯನ್ನು ಎತ್ತಿ ತೋರಿಸಿದ್ದಾರೆ.
ಮಹಾಘಟಬಂಧನ್ ಭರವಸೆಗಳು
ಮಹಾಘಟಬಂಧನ್ನ 20 ಭರವಸೆಗಳು ಸಾಮಾಜಿಕ ನ್ಯಾಯದ ಮೇಲೆ ಕೇಂದ್ರೀಕರಿಸಿವೆ. ಪ್ರತಿ ಮನೆಗೊಂದು ಸರ್ಕಾರಿ ಉದ್ಯೋಗ, ಮಹಿಳೆಯರಿಗೆ ತಿಂಗಳಿಗೆ ₹2,500, 200 ಯೂನಿಟ್ಗಳವರೆಗೆ ಉಚಿತ ವಿದ್ಯುತ್, ₹500ಕ್ಕೆ ಎಲ್ಪಿಜಿ ಸಿಲಿಂಡರ್, ಮಹಿಳೆಯರಿಗೆ ಉಚಿತ ಬಸ್ ಸೌಲಭ್ಯ, ಜೀವಿಕಾ ದಿದಿಗಳಿಗೆ ₹30,000 ವೇತನ, ವೃದ್ಧಾಪ್ಯದವರಿಗೆ ₹1,500 ಪಿಂಚಣಿ, ಅಂಗವೈಕಲ್ಯ ಹೊಂದಿರುವವರಿಗೆ ₹3,000, ₹25 ಲಕ್ಷದವರೆಗೆ ಉಚಿತ ಚಿಕಿತ್ಸೆ, ಹಳೆಯ ಪಿಂಚಣಿ ಯೋಜನೆಯ ಪುನಃಜಾರಿ, ರೈತರಿಗೆ MSP, ಕೃಷಿಗೆ 24 ಗಂಟೆ ಉಚಿತ ವಿದ್ಯುತ್, ಸಹಾರಾ ಗ್ರೂಪ್ನ ಅಡಕೆ ಹಣ ಮರಳಿ ವಸೂಲಿ ಸೇರಿದಂತೆ ಅನೇಕ ಭರವಸೆಗಳನ್ನು ಈಡೇರಿಸುವುದಾಗಿ ಖರ್ಗೆ ಹೇಳಿದ್ದಾರೆ.
ಇದರೊಂದಿಗೆ, ಇಂಟ್ರೀಮ್ ಬ್ಯಾಕ್ವರ್ಡ್ ಕ್ಲಾಸ್ಗಳ (EBC) ಮೀಸಲಾತಿ 20%ಯಿಂದ 30%ಗೆ, SC ಮೀಸಲಾತಿ 16%ಯಿಂದ 20%ಗೆ, ST 1%ಯಿಂದ 2%ಗೆ ಹೆಚ್ಚಿಸುವುದು ಸೇರಿದಂತೆ ರಿಜರ್ವೇಶನ್ ಕಾನೂನನ್ನು ಸಂವಿಧಾನದ ನಾಯನ್ ಸ್ಕೆಡ್ಯೂಲ್ಗೆ ಸೇರಿಸುವ ಯೋಜನೆಯನ್ನು ಘೋಷಿಸಿದ್ದಾರೆ.
ಎನ್ಡಿಎ ಸರ್ಕಾರವನ್ನು ಖರ್ಗೆ ತೀವ್ರವಾಗಿ ಟೀಕಿಸಿ. “ಬಿಹಾರದಲ್ಲಿ ಅಪರಾಧ 80% ಏರಿಕೆಯಾಗಿದ್ದರೂ, ಅವರು ‘ಜಂಗಲ್ ರಾಜ್’ ಬಗ್ಗೆ ಮಾತನಾಡುತ್ತಾರೆ. ಡಬಲ್ ಇಂಜಿನ್ ಸರ್ಕಾರವು ಬಿಹಾರಕ್ಕೆ ವಿಶೇಷ ಸ್ಥಾನಮಾನ ನೀಡಲಿಲ್ಲ, ಬಡವರಿಗೆ ಏನೂ ಮಾಡಿಲ್ಲ” ಎಂದು ಹೇಳಿದ್ದಾರೆ. ಮಹಿಳಾ ಸುರಕ್ಷತೆಯಲ್ಲಿ ವಿಫಲತೆ, ನಿರುದ್ಯೋಗ ಮತ್ತು ವಲಸೆಯನ್ನು ಎತ್ತಿ ತೋರಿಸಿ, “ಬಿಹಾರದ ಬಡವರಿಗಾಗಿ ಏನೂ ಮಾಡಿಲ್ಲ. ಚುನಾವಣೆ ಮುಂದೆ ₹10,000 ಸಾಲ ನೀಡಿ ಮತಗಳನ್ನು ಕೇಳುತ್ತಾರೆ” ಎಂದು ಖಂಡಿಸಿದ್ದಾರೆ. ಜನ ಸೂರಜ್ ಪಕ್ಷದ ಪ್ರಶಾಂತ್ ಕಿಶೋರ್ನಂತಹ ಇತರ ಪಕ್ಷಗಳು ಮಹಾಘಟಬಂಧನ್ ಮತ್ತು ಎನ್ಡಿಎ ನಡುವಿನ ಹೋರಾಟದಲ್ಲಿ ಪ್ರಭಾವ ಬೀರಲಾರವು ಎಂದು ಖರ್ಗೆ ಸ್ಪಷ್ಟಪಡಿಸಿದ್ದಾರೆ.
ಇದನ್ನೂ ಓದಿ | ಬಿಹಾರ್: ಮತ ಸೆಳೆಯಲು ರಾಜಕೀಯ ಪಕ್ಷಗಳ ಗ್ಯಾರಂಟಿಗಳ ಸುರಿಮಳೆ
ನವೆಂಬರ್ 14ರಂದು ಫಲಿತಾಂಶಗಳು ಬರುವ ನಂತರ, ಬಿಹಾರದಲ್ಲಿ ಸಾಮಾಜಿಕ ನ್ಯಾಯ, ಆರ್ಥಿಕ ಅಭಿವೃದ್ಧಿ ಮತ್ತು ಉಜ್ವಲ ಭವಿಷ್ಯದ ಯುಗ ಆರಂಭವಾಗುತ್ತದೆ ಎಂದು ಖರ್ಗೆ ಭರವಸೆ ನೀಡಿದ್ದಾರೆ. ಈ ಚುನಾವಣೆಯು ಬಿಹಾರದ ಗತಿ ಬದಲಾಯಿಸುವಂತಹದ್ದು ಎಂದು ಅವರು ಒತ್ತಿ ಹೇಳಿದ್ದಾರೆ.
